過去5年
每逢12至1月同埋5至6月都唔收新生
明明係收新生嘅好機會
點解偏偏就唔收新生呢?
應該都有好多同行同埋同學甚至乎家長都整返個黑人問號
速食文化根深柢固
自2010年開始喺元朗做補習
每年到呢啲時候
總會有啲學生同埋家長搵試前補習班
希望喺考試前操一操
提升一下成績
呢啲學生同家長抱住速食的心態
希望臨急抱佛腳、試前「谷一谷」
期望將成績提升10分8分，成本效益最大化
全年10個月嘅學習
希望2個月就可以溫好，做到最好
想淨係試前操練，只會越來越難搵到導師幫手
很可惜，呢啲家長及同學會越來越難找到能幫他們的導師
試前幾堂嘅加操，往往難以令學生及家長滿意
首先導師並不了解學生的習性
再者，再強嘅導師
都需要最少幾堂時間去了解學生能力、習性、喜好
1堂，根本唔可能全面了解學生
學生亦都唔能夠判斷導師是否適合自己
對學生同導師都唔公平
有啲學生可以一拍即合
有啲學生就慢熱啲
可能要兩三個月先至同個導師夾得到
專注喺現有學生，係對學生最負責任嘅行為
若果喺呢啲時段收新生
難免會將專注放咗喺新生而唔小心忽略現有學生
與其花時間去照料新生
點解唔花時間去教好手上嘅學生?