top of page

補習已死?

中文補習名師林溢欣離開任教多年嘅大型補習社,成立自己的品牌 ─ 凝皓教育。果然由「中文人」諗出嚟嘅宣傳語句是特別擲地有聲─「破舊立新,一往無前。」、「補習已死,這是教育。」補習行業,我們都打滾了十多年。我們同年,也是校友。閒話就不說了,我們今天談談我們的本業─補習。


每位補習老師的初心 ─ 起初為錢,之後為錢,最後也是為錢

當年會考,考到唔錯嘅分數,但始終唔夠成績去拔尖,仍要讀預科考A-Level。拍拖、食飯、買衫等,始終都需要錢,所以開始做起私人補習。上網搵補習中介,收導師頭2堂作為介紹費。到大學,最高峰嘅時候一星期去補習社打2日工,再私補2日,勉強都叫夠洗。到Year 3終於可以唔洗父母俾零用。男導師嘅辛酸,YY Lam絕對理解,私補唔容易取得家長信任,連見面展示能力嘅機會都無,亦都解釋到點解佢矢志要做一個補習名師。


YY Lam點解要自立門戶?

一般大型補習社,分成大約20%至60%。強如林老師都要分4成俾燈塔。所以完咗合約,林老師當然要自立門戶,咁做就可以大幅提升收入。但當然,做老闆要面對嘅風險同基本支出,相信佢宜家終於親身了解到。


大型補習社是絕對不適合不及格,而且不聰明的學生

原因1: 識考試,唔代表識教

為咗令到名師更加名師,「名師」首先要考試成績極好,然後好得閒咁去考幾年DSE拎幾次5**去證明自己嘅程度。注意,唔係自己嘅教學能力。


原因2: 機關槍式掃射學生,顯示自己好勁

年紀輕輕的中學生尚未成熟,會覺得可以滔滔不絕嘅導師非常charm,很有學識。懂得捉緊這種心理的當然是大型補習社老闆。所以不難理解,在各平台見到所有導師,都要保持一個AK47嘅語速,仿佛高速掃射就等於勁同埋,好勁(掃射方面)。其實無咁叻嘅學生仲load緊,到佢load到時,導師已經飛咗唔知去邊。


原因3: 教學過份考試導向

作為補習導師,我對有心有力嘅學校的老師有絕對的尊重。近年部份學校一些較年輕的老師,或曾在大型補習社任教的,因為各種原因到學校教,令整個教育向考試傾斜,主力教考試,連數學槪念基礎都不教,只教如何處理題目。有學生同我講:「我識做個答案,但係我唔知自己做緊乜。」


學生到底應補大型補習社? 視乎是否聰明+會努力的學生

學生家長搵私人補習導師通常都好兩極化,一係學生就係好聰明,唔想浪費時間去大型補習社聽重覆已經識嘅知識;或者真係轉數比較慢,需要慢慢講解先至會明白,甚至乎你用半堂去講解,佢都唔會明白。當然,我都唔可能一直都抽中聰明嘅學生。

若果能力在中上,只是過去較懶惰,但開始醒覺了,大型補習社是絕對佳選,甚至Herman Yeung 也是非常好的免費source。當然,Herman Yeung同燈塔之間嘅恩怨有幾深,睇佢出幾多科嘅self study source就知佢有幾恨燈塔。


作為一位專業嘅補底補習導師,過去多年教盡一切能力偏弱嘅學生。我很喜歡教「聰明懶」的學生,因為很短時間,他們就可以大幅提升成績;但是我更喜歡教唔聰明嘅學生,因為佢哋可以令我練習到更好嘅教學技巧:語速、例子、做法,取捨等等。即使最終未必能陪他們到DSE,但過程中我總有得著。


教育,不只為成績;

引導反叛期的學生怎樣與家長相處

令大家都開心過度反叛期,也是我工作的一部份(下回再講)。

200 次查看0 則留言

Comentarios


bottom of page